Мәзірді көрсету Іздестіру
БАҚ біз туралы
Қазақстан Республикасы Индустрия және инфрақұрылымдық даму министрлігі

You are here

Жаңалықтар

0710/19
Казахстанские перевозчики планируют открыть рейсы в Шанхай, Сингапур и Нью-Йорк

Қазақстандық әуе тасымалдаушылар Шанхай, Сингапур және Нью-Йорк қалаларына рейстер ашуды жоспарлауда

 

Азаматтық авиация мәселелері бойынша өткен Қазақстан Республикасы Үкіметінің отырысында Индустрия және инфрақұрылымдық даму министрі Бейбіт Атамқұлов қазақстандық авиакомпаниялардың ашуды жоспарлап отырған жаңа бағыттары туралы айтып берді.

«2017 жылдан бастап Нұр-Сұлтан қаласында «ашық аспан» режимі енгізілді. 3 жылда қазақстандық және шетелдік әуе тасымалдаушылар 19 жаңа маршрут ашты, оның ішінде Токио, Варшава, Будапешт, Хельсинки және т.б. Қолданыстағы Лондон, Мәскеу, Бейжің, Ыстамбул бағыттары бойынша ұшу жиіліктері өсуде.

Қазақстандық тасымалдаушылардың Шанхай, Сингапур, Нью-Йорк сияқты ірі қалаларға рейстер ашуы жоспарлануда», - деді Бейбіт Атамқұлов.

Министрдің ақпараты бойынша, Қазақстанның 26 шетел мемлекетімен 99 халықаралық бағыт бойынша әуе қатынасы бар.

Бейбіт Атамқұлов министрліктің елімізге ұшу тартымдылығын арттыру және тасымалдаушылардың Қазақстан нарығына шығуы бойынша қабылданатын шаралар туралы да түсініктеме берді.

«Жақын болашақта «Qatar Airways», «Emirates», «China Eastern», Орал әуежелілері, және т.б. авиакомпаниялардың келуі күтілуде. Біз Нұр-Сұлтан, Алматы, Шымкент, Өскемен, Павлодар, Көкшетау, Тараз, Петропавл, Семей қалаларының әуежайларында «ашық аспан» режимін енгіземіз. Біз барлық шетелдік авиакомпанияларға жетекші қаржы орталықтарына ұшуды орындау үшін 5-ші әуе еркіндігін ұсынуды жоспарлаудамыз», - деді министр.

Сонымен қатар ҚР ИИДМ басшысының айтуынша әуежайларда әуе кемелері мен жолаушыларға қызмет көрсетудің әлемдік стандарттары енгізілуде, бұл сервистік қызмет көрсету бойынша негізгі қызметтерді бірыңғай стандартқа сәйкес келтіруге және сол арқылы авиакомпаниялардың шығыстарын оңтайландыруға мүмкіндік береді.

Іс жүзінде әуе көлігінің жердегі инфрақұрылымын жаңғырту аяқталды. Қазақстан әуежайларының 16 ұшу-қону жолағы (ҰҚЖ) мен 13 терминалы қайта жаңартылды.

Бейбіт Атамқұловтың ақпараты бойынша ағымдағы жылдың соңына дейін Қостанай және Балқаш қалалары әуежайларының ҰҚЖ-ын қайта жаңарту аяқталады. Түркістан қаласында халықаралық әуежайдың құрылысы жалғасады.


Біздің жаңалықтарымызға жазылғыңыз келеді ме?

© 2019

Қазақстан Республикасы Индустрия және инфрақұрылымдық даму министрлігі

Азаматтық авиация комитеті